** 正面
** 背脊
10/1/2007 (第55日)
沒有同black完成埋4隻腳， 因我麻孿回家了， 她氣管不好， 所以不能剪毛。 今天black氣色不錯， 總覺得他自醫院回來後， 比之前較active， 希望這是好事啦！！
下午， 我去做個facial, 近排都冇乜點打理好自己的皮膚， 起晒粒粒， 加上沒有足夠的睡眠， 黑睛圈更黑了。 臨行前分附家人如black有事就即call我啦！ 後梨我麻孿話佢都係訓， 只不過有人梨修理廁所時， 佢唔得閒左1個鐘咁o者， 正一八掛仔。
自同black剪完毛後， 我隻腳板就好痛， 一定又係D毛桔左入皮裹面。 Wow … 今次桔左一條3/16” 既毛， 於是我用針刺穿表皮， 再liu 番條毛出梨， 舒服晒。
9/29/2007 (第53日)
昨晚係9:30pm的探病時間， 我和家姐入到留院小狗的地方， 沒有人帶領下搵到black black 所住的籠， 在最底下那層。 我企在black面前， 見他 on 居居咁坐下。 我沒有叫他， 過了幾秒他才發現我們。 於是我樽底叫他black black， 又伸手入籠內摸他。 唉也， 他好緊張， 半企起身抓籠。 他見不能出外， 就發出 un un 聲及開始吠了。 心痛死了， 真的不想他吠， 怕他會整親又流血。 帶他走吧！ 見到他唔夠30秘就決定要帶他走， 於是同醫生說了， 而我們就出外等。 Black 見不到我， 以為我們不要他， 所以係籠內繼續狠勁咁吠， 我們坐在外邊都聽到。 快D啦， 真的不想他吠呀！
過了5分鐘， 姑娘先抱阿black 出梨。 他一見我就高興晒， 定晒喇！ 我就同佢講， 我地番屋企啦！ 搞好出院手續， 便乘的士回家去。 Black 知道是番屋企， 所以都沒有震震震。
一回到家， 他很開心咁跑梨跑去， 我仲笑他D動作快左好多呢！ 他很肚餓， 於是即刻番熱D食物同湯給他， 他吃得好快， 好開心添！ 我想他在醫院沒有睡， 他一定很倦了， 所以冇耐他就休息去。
9/28/2007 (第52日)
今朝4am醒了， 發現black又流血， 慌忙幫他清潔。 今次流了很多， 有很多血塊都不能取出， 於是決定抹淨D咀毛既血， 到朝早再算。 到7:45am又醒了， 咀仔又鋪滿了血漬， 口裹的血塊積了更多。 清除了大部份之後， 發現血還在流， 仲越流越多， 後梨成地下都是。 我想今次真的非同小可， 於是打電話去vet約睇急証。
8:30 前到達vet， 其實當時血好似停了。 醫生check過black之後， 說要打鎮靜劑先會停。 Black 訓左之後， 抹去了血塊， 血就停了。 後梨， black 被move去 X-ray room, 我就繼續幫他清潔。 醫生建議留院觀察， 因怕他再流血， 後梨還做了 blood test, 個血指數得24， 有貧血， 依加要吊鹽水。
仔仔， 你要叻叻豬， 媽媽今晚去探你， 盡可能明天帶你番屋企呀！ 我仲要同你飛個靚髮架！
9/25/2007 (第49日)
今日是中秋節，公司要食lunch做節，因之前己經次缺席了好幾餐公司飯， 所以今次唔好意思推。 但是我 lunch time 要回家餵藥及抹咀， 好彩今朝要落廠做野， 於是乎我11點到達廠，逗留了40分鐘， 之後就飛的回家， 做晒所有野剛好是12:40pm, 再飛的到酒家會合公司同事。 時間o岩o岩好。 今日又可以早放， 我就趁哩個機會去剪了個髮， 頭髮實在太長， 看不順眼了。 到6:20pm就番到屋企， 今晚家裹很靜， 得我, black & creamy。 過了一個唔似中秋既中秋節， 我連月光都沒看一眼。 
我想大家既中秋節一定過得很快樂吧！
9/23/2007 (第47日)
我聽到D jep jep 聲， 醒了， 是仔仔的lam脷聲。 我知道一定又弄污咀巴了， 起身、 出廳、 開燈。 喚 …. 咀仔又變了銹紅色。 慌忙去拎水、 毛巾、 tissue、 紗布、 綿花棒、 床仔、 雲南白藥 (這是近排的指定動作) 等物件幫black清潔咀仔。 看看大鐘， 剛剛是早上5點。 用了大約25分鍾才弄好了， 安頓好black， 我爬番上床再睡。 實在太倦了， 難得地今早我竟然訓到10點才起身。
整天都在家， 同家人做節我都沒出席， 因唔想離開black。 媽媽打電話來， 問我為甚麼唔去食飯， 說了原因她聽， 她答我一句「又是為隻狗」。
情意結的關係， 點都想帶black black 去一次山頂。 天氣實在悶熱， 所以我選擇了下午才去。 今天， 有哥哥車我們， 大約4時就上到山頂。 又幸運地， 今天沒有警察阻止我們直驅山頂， 似乎一切都很順利。
到山頂後， 原來那個涼亭被木板封了在維修。 我放了 black black 在地自由行， 他當然十分開心啦！ 我們行行行， 轉到下面的草地玩， 路經一小路。 我見black 行得太貼斜路邊， 想話叫住、 拉住佢啦！ 點知佢聽我一叫， 反而向前再走， 就這樣， 他碌落了20幾尺的小山坡。 嚇死我， 他會否像電影中， 撞到大石磡到頭， 或是碰到樹枝剌親既呢！ 我連忙走下山坡朝他走去， 我見他碌到去平地之後， 識得自己行， 腳仔又冇一拐一拐。 真係好彩， 仔仔佢冇事。 如果唔係， 我要殺我自己喇！！ 都是怪媽媽顧住幫你拍 viedo 啦！ 事後諗番， 哩段小插曲， 可以放在我腦海中， 可以歷久常新。
回家後， 同black 沖凉， 他倦到要攤在浴缸裏， 吹毛時已睡了。 今日有一段時間， black black 佢企在車窗邊看風景， 吹吹風。 風將他的鬚鬚吹起了， 我最愛看他這個凌亂樣， 很可愛的。 久違了的 black black 本色， 他以前很愛坐車， 前面的乘客位是他的私家位呢！
9/15/2007 (第39日)
今天， 帶了black 去覆診及取些心臟藥。 其實我不想去的， 因black佢很怕見醫生， 每次上的士就會口震震， 震到落車。 但我家姐硬要我去， 比醫生看看啦， 又話有野想問醫生。 唉 …. 仲有甚麼好看， 沒得醫好的病。 OK， 妳話去咪去囉！！
我準時到達， 但我家姐遲了差唔多半個鐘。 要我抱住black企係街等她， 很熱， 我好興呀！！！！！
原來 black 依加瘦到得7.8 kg, 以前是9 kg架！ 醫生看過black, 唔係， 係摸 ah black 下巴， 就話已擴散到下巴了。 醫生， 我都知啦！ 經佢一講， 我眼已開始濕， 但我強忍住了。 後梨， 當我走出vet， 我就喊了出來。 全程， 我家姐一些問題都沒有問醫生， 我感覺像給人騙了。 妳是否為了妳D friend 要見 black black 而要我帶他出來。 今天， 我有些惱妳。
今天整天都唔舒服， 臨放工個頭痛得很厲害， 坐的士回家吧！ 回家後， 發現lunchtime忘了開廳燈給他們。 在微微的光中， 看到black 睡在房門口， 他沒有察覺到有人回家了。 後來他被關門聲弄醒了， 只是呆呆的看著我， 面上的毛毛訓到扁晒， 很好笑。 「blackblack， 係媽媽呀！」 ….. 他聽到我叫他， 就起身歡迎我 ….. 「等媽媽抱抱先！」
我吃過止痛藥， 搽了些白花油， 在床上抖一抖， 又要起身照顧black的晚餐及吃藥的工序。 沒有想過自己的晚餐， 因為唔想諗兼唔知食乜好。 後梨， 姊姊說幫我買外賣， 是但啦！
藥力發揮作用， 我見好D了， 倘在sofa 看電視。 突然， 姊姊叫了一聲， blackblack個口流血了。 我即刻走向black, 見到地下有幾灘血， 佢個口又係血。 連忙去拎紗布同水幫他清潔， 係咪剛剛幫他清潔牙仔時整親佢呢? 好驚呀， 但又要安憮佢。 姊姊落街買雲南白藥止血， 但因為大夜了， 買不到， 明天要去買。 搞左一段時間， black都倦了而睡覺去， 才發現自己的t-shirt 沾上了他的血。 很心痛 ……
今早在很短的時間內， 做了一個夢。 夢見有一大群狗， 變到好大好大隻， 準備攻擊人 (係咪前晚睇Hulk睇到上腦?)。 點算呢？ 就係哩個時侯， 在他們後面， 有一武士打扮， 帶上頭巾， 亦變大緊， 大隻過D狗。 我知此人是來拯救的 (係咪D變大左既狗係D cancer cell呢？ 那變大的人是來拯救black 嗎？)。 與此同時， 我突然揪離左個夢境， 因潛意式下， 我自己叫醒左自己。 從小很喜歡做夢既我， 有很多天馬行空的夢， 有的很是精彩呢？
Matrix這套戲， 個題目有些似我們中國人有句 ….. 南柯一夢 (如沒記錯)。 我成日諗， 我是不是正在做夢呢？ 快D比我醒番， black black 其實乜事都冇。 來 ... 快些叫醒我吧！！
9/2/2007 (第26日)
星期日。 今天原先約了朋友幫black 影相， 同佢沖好涼， 吹到靚靚仔仔， 但整個下午都下雨， 唯有取消。 黑起上梨， 真係連個天都唔幫你架！！
下午， 摷番 Judy (black 媽媽) 同 black 既舊viedo tape來看， 一時感觸， 又偷偷落淚。 給媽媽看到了， 我知她很擔心我。 媽呀， 鬼叫妳生左個眼淺及多愁善感既女咩！ 但係我好硬淨架， 我唔喊， 仲快屈死。
Black 對我真係好堅持， 總之我一在家， 佢就唔會去訓覺。 係咪佢驚我悶 ， 唔訓梨陪我呢， 佢從小到大都係咁。 今天佢6 am醒左一陣陣再訓番， 到9 am正式起身， 直到晚上10 pm， 佢只係恰左十幾分鐘。 我叫佢訓又唔肯訓， 真要寫個服字給他。 人家好似佢咁既年幾， 訓左好耐啦！！
