哩度好企咩

10/31/2007 (第85日)

black black 個傻豬近排好鐘意企係哩度發藕痘， 唔知佢諗乜呢？

 

頂唔得冷

10/30/2007 (第84日)

weekend會轉冷， 要幫阿仔搵定D衫衫先， 事關佢依加皮下脂肪冇乜， 我驚佢件mink頂唔得冷。

 

六叔

11/30/2007 (第115日)

black實在太瘦了， 依加係皮包骨， 就好像百歲老人六叔咁！

 

期待

10/29/2007 (第83日) 

black個病情發展到咁， 我要改變小小藥， 希望可以control 到。 Black black D眼神跌晒watt， 我真係好希望見番佢個精靈樣。

 

點解 ......

10/28/2007 (第82日)

如常幫black black抹口內分泌物時， 我發現有衰細胞在另一隻好牙另起爐灶， 我當堂成個人沉晒。 難倒之前既成果全是假希望 …. 點解， 點解你係要咬住唔放。 突然其來的一擊， 我不知如何是好！

 

遇上 foxi

10/27/2007 (第81日)

今日下午做晒我要做既野， 兼過海拎埋藥， 返家後帶black去個evening walk。 係秋天時分， 基本上個天都好黑下。 行經學校門口， 看見對面車房有一foxi流連， 於是乎我拖住black走過去。 隻foxi一見我們， 就衝過來， 我不知他是善是惡， 於是即刻抱起black， 而foxi就因為black black抱高左， 佢就原地跳跳跳， 又借我腳想話再跳高D， 好搞笑。 不過我係唔會比佢得程既， 佢跳高時我又抱高D。

我知哩間車房老板早排唔見左隻 foxi， 原來佢最終都搵番佢， 係漁護處call佢， 叫佢認領番。 很開心佢地最終是大團圓結局呢！ 不過隻foxi要做番車房狗lu。

 

~_*

10/26/2007 (第80日) 

阿black實在太耐冇笑喇， 佢今次比左個單眼我。

 

hea

10/25/2007 (第79日)

阿仔， 有乜好聞呢！！

 

:)

很愛吃這家店的cake， 尤其是這兩款。

(今次吃得不像cake面的笑面那樣開心， 你唔食把就。)

激氣

10/24/2007 (第78日)

頭先lunchtime返屋企， 在van 仔站等車， 點知我呆企等了16架8號van仔， 先梨一架我要既7號van。 足足等了40分鍾。 我其實可以轉乘巴士， 但心有不甘。 最後， 在我決定行去轉的士時， 7號van先梨， 我仲要追番架van先上到車。 係咪玩我呀！！！！ 如果追唔到， 我有可能會衝出馬路， 因當時等車等到我情緒好底落。

結果， 我1點55分先到家， 痴線， 我公司既食飯時間到2點架咋！！ 拿拿林幫black抹咀， 餵藥， 坐的士回公司都已經2點35分。 總之， 好興呀 ！！！！！！！！

我有做錯野嗎？

10/23/2007 (第77日)

我成日諗， 我會唔會之前有野做錯呢！！

會唔會食左些甚麼， 另到black有這病！

會唔會某些步驟行錯左， 做多餘左！

會唔會某些野做遲左， 另到D cancer擴散！

會唔會咁 …… 會唔會又咁 …….

我知冇錯與對， 不過我總是會想這， 想那 ........................... 

 

最新情況

10/22/2007 (第76日)

black black最新既情況係 …. 口個lump縮晒， 但已縮到見到牙腳。 應該係之前比個D衰細胞侵蝕左既牙肉，依加D衰細胞死左， 所以成part牙肉縮到比正常為低。 冇左成part牙肉， 我真係唔知阿仔佢痛唔痛。 但係佢下爬就仲有硬塊， 唔知會發展成點， 真係聽天由命。 我只可做既就係按時餵他食藥及替他抹去口內的分泌物。 我們仍在努力中。

 

meet B3 again

10/21/2007 (第75日)

我很lazy呀！ 我見禽日black black去左睇醫生， 我就當他去了街， 所以今日沒有甚麼節目給他。 不過， 我家姐帶左B3過梨。 Black 對佢都好nice， 向B3搖尾架！！

All the best to my black black

10/20/2007 (第74日)

今天帶black去覆診， 因心臟藥快食完， 要去拎藥。 醫生跟我們說了她另外見過的mouth cancer 既case， 有一隻狗狗可keep到十個月、 有一些又點又點。 總之我希望all the best to my black black！！

 

sleep & play

10/19/2007 (第73日)

九九重陽節， 我們沒有外出登高， 全日留在家 ….. sleep & play。

i wish

10/18/2007 (第72日)

哩兩日我好熱氣， 牙肉仲腫左有D痛。 我咁小事都有些唔舒服， 我諗阿black佢可能比我更加唔舒服。 希望佢唔會感到太痛楚。

 

my 細佬

佢地係我細佬佬， 我阿4成日都話佢地阿爸阿媽改名好「行」。 大細佬Yorkie買番屋企時係狗仔， 所以取名Doggy。 至於細細佬白威， 佢地索性同佢取名威威。 係咪好「行」呢！！

bark

10/17/2007 (第71日)

black依加吠， 仲係威係勢咁架！！

 

奇怪

10/16/2007 (第70日)

我發現black有樣野好得意。 佢飲親水呢， D水會痴住D鬚滴到周地都係， 但係飲湯呢， 一滴湯都冇痴住。 都係飲野o者， 你話奇唔奇。

Black 依加後腳唔係咁有力企， 有時佢食野會兩腳跣開， 變一字馬。 咁我唯有企係佢上面， 頂住佢D腳仔唔駛跣囉！！

 

sleeping

10/15/2007 (第69日) 

阿black好似笑住訓咁呀！！

XTC

哩杯咪就係我最愛既XTC雪糕囉！！ Yummy .....

唔係去買油炸鬼咩

10/14/2007 (第68日)

今朝我地帶black & creamy落街， 一陣涼風吹埋梨， 我就同我家姐講 …. 哇， 好涼呀！ 就係咁， 我地就由去買油炸鬼、 蘿蔔糕， 變左去狗公園喇！ 我呢， 連錢包及身份証都冇， 得支水同一張布紙， 咁就 go go go 喇！ 我家姐就有錢同相機。 點解佢去買油炸鬼都帶埋相機咁奇既！！

11點鬆到達， 唔係太多人， 幾好喎！  玩到12點就 pits 番屋企同阿black沖涼 lu。

 

玩具

10/13/2007 (第67日)

今日我試下比black玩玩具， 佢成兩個月冇玩過， 見番自己既玩具， 好開心。 其實我諗住佢玩D毛毛玩具時， 可以順便清潔下D牙齒。 雖然我一日會幫佢抹幾次， 但有些位置此終係抹唔度， 我諗都有D幫助掛。

污漕豬

10/12/2007 (第66日)

阿black成個月冇沖涼lu， 你睇佢幾污漕。

三更

10/11/2007 (第65日)

半夜， 我肚痛醒左。 起身去廁所， 所有行動要放輕， 怕嘈醒black。 又喃喃自語說「好痛呀， 好痛呀！」， 好彩black唔知我起左身。 以前， 佢一定會知， 兼且一定跟埋我去廁所， 我仲會抱住佢all添， 個傻仔又唔怕臭。

今次， 去完廁所後， 發現隻 creamy企係廳。 我家姐出左trip， 咁佢唯有搵個人痴 … 咪我囉！！  Aiya .. ya ..， 個衰妹係三更all左屎， 仲擔落地食呀， 成地都係屎漬， 我又要做餐死。 好囉， 搞掂之後， 爬番上床， 搽過我至愛既百花油， 又去搵周公lu。 阿black全程訓左， 佢唔知發生過乜事。

 

Output

10/10/2007 (第64日)

等緊阿blackD屎屎， 佢禽晚食左我D野落肚， 希望快D痾番出梨啦！！

(一二三四五六七八， 你既output在那裏？)

.....

10/9/2007 (第63日)

Black近排成日都好 hungry， 周圍摷野食。

纖腰

10/8/2007 (第62日)

放工行過去citysuper 買三文魚及無激素雞比black， 遇到harbour city 有show睇， 有幾個仔在表演hip hop。 看了一陣表演就pits喇， 要趕住番屋企煮野比black食呢！

Black依加有條纖腰， 我諗佢著條賴屎褲再跳埋hip hop都幾好笑。 咪先咪先， 禽日D hip hop 友唔係著賴屎褲架喎， D板仔先係。 好無聊 ….. 我話我自己。

 

悠閒

10/7/2007 (第61日)

今天我沒有出街， 不過都有帶black落街行了一陣陣咁多啦！！

 

搞掂

10/6/2007 (第60日) 

唔可以再偷懶， 今日終於都幫阿black完成哩d手手腳腳， 剪完之後， 我自己都好滿意。

飲湯喇阿black

10/5/2007 (第59日)

阿black佢依加變左食神啦， 日日食homemade。 不過有時都好唔合作， 又或者係佢醒， 時時將有藥夾在裹面的食物吐番出來， 所以有時都餵到好氣餒。 又為左要餵他食另外一些藥及容易handle， 佢每天都有湯水飲， 咁我就將D藥放在湯中， 佢方便時我又方便呢！！  

今日lunchtime返屋企果陣， 我就用左10 mins煲落個薯仔蕃茄湯， 再放落個燜燒煲度， 放工番梨再煲一下， 就搞掂。 唔駛個傻仔等飲湯等咁耐啦！！

black 說 ...

10/4/2007 (第58日) 

由阿black自己講 …

阿4佢封我咀咁耐， 依加要講番夠本先。 係呀， 我最近的確有D唔同左， 咪就係上星期隊左幾杯bloody mary， 醉鬼左， 入左院。 點知當我醒番果陣， 我隻靚boot就比人搞成咁喇！ 我唔想做「米妮」呀 )))))))))))))))))))))))))))

另外， 我知道有好多人關心我既近況。 多晒 …. 大家呀！ 最近哩， 我可以自己食野喇， 唔駛阿4續啖續啖餵， 因為個lump縮左好多。 不過， 阿4話唔好太開心住， 因我他仲係個戰場上呀！  我地會繼續add oil 架喇！！

 

Pls wait

10/3/2007 (第57日)

阿仔話佢有野講喎！！  Pls wait ..................

希望這是好事

*** 暴走black

10/2/2007 (第56日)

真的覺得black black比之前有些不同。 之前的日子， 見佢好攰好攰咁， 行路好慢好慢。 但係哩幾日， 行路快左又醒左。 禽晚佢好曳， 又去摷紙玩， 又爬枱， 想捉佢又彈開， 抹咀時又旭梨旭去。 以前既black black 番左梨喇！！ 希望這是好事。

哩幾日， 佢個口的分泌物少了， 冇之前咁smelly。 其實在過去的十幾天， 佢個lump起了變化。如醫生說， 唔通流血不是壞事。  希望這是好事。