一連5天的聖誕假期，朋友們都問 ... 妳沒有出門咩，好o徒喎！！ 他們是不會明的，而我，唯有去揾食啦！
有晚同些揾食朋友一齊去試這間 ..... 浣沙厨房。
先梨睇睇佢地D燈飾先啦！ 
再睇睇D碗碟。
首先叫左我至愛既咸檸七。
青瓜海浙頭 - 那海浙頭很爽脆。
雪裡紅肉碎豆腐 - 送靚仔最o岩。
浣沙闊少炒飯 - 其實是蛋白炒飯，多小小其他料，再戴頂肉鬆帽。飯炒得很乾身。正 ......
傳統紙包雞 - 紙包著的雞，雞好juicy。很好吃，只可惜得六大件，有些不夠喉。
甜點是羌汁芝麻湯丸 - 成$15粒架，要dep真D。我在想，D湯丸會不會是利川湯丸呢？
全餐最好味是這個甜蛋散，實在太太鬆化了，又不油。
食完都好飽下。我想我會再去試試其它的招牌菜，但等我先儲些錢。
12/27/2008 (第502日)
一早幫black black book 左haircut，因發生左困sofa底事件，他不能夠企得好，諗住 cancel 個booking。但係唔剪又唔得。
頂硬上，最多淨係剪頭同手腳。去到Dogotel， 好野，今次係平時剪開果個靚姐姐，上次果個全程苦刁刁咁架！！
好喇，我叫姐姐剪頭同手腳先，後梨我見她都好快手，於是我叫她剪埋個身 ...... 手剪呀唔該。事關阿black個身都是骨，有高有低，根本鏟唔到。我的決定沒錯，手剪都可以很快，姐姐她是高手嘛！ 最後，只用了一小時就搞掂哂lu。醒神番晒。
而我呢，就全程做陪剪，幫姐姐hold住black black 囉！
剪毛前的black。
12/26/2008 (第501日)
12/26日， 帶了black black 去我細佬家 hotpot。 細佬家有兩小狗， 他們不停地轉著black black。 就好像兩條大白鯊轉著獵物咁。
細細佬威威， 我們說他是天使面孔， 魔鬼性格。 除了蝦佢哥哥， 那天他還禽阿black好幾次， black black給他推了落地， 頭仔pon一聲”磡”落地。 心痛屎我呀， black black頭仔已經冇肉幫他備震架嘛！！ 衰仔威丫 
。 不過佢身形圓碌碌， 好搞笑。
被困門口的威威， 一幅不肖的樣子。
都是Doggy乖些，比較聽話。 black black倦了， 睡在兩個咕上。 咕是兩隻o靚仔專用的。
真係唔老泥呀， 今日比隻o靚 ken 打爛左我隻開心飯兜。 我阿4即刻去買個隻比我啦，行左好多間都睇唔o岩。 終於係Three Dog 果度搵到隻， 不過個size 就細左D，粗粗地用住先啦！
係Three Dog 度阿4又見到D靚靚X'mas 餅， 咁佢就順便買左兩塊，比我、 阿妹、阿3同隻o靚 ken 一齊分梨食囉！ D 餅成 $15塊， 阿4冇錢， 所以買得兩塊咋！！ D餅好香同好好味呢！
Merry Christmas !!!!!!!!
12/22/2008 (第497日)
今朝一開blog，很突然地見到下列的留言，不防同大家分享下。
事緣係果晚睇完你個blog, 個心好掛住bj, 臨訓前一剎那又諗起bj, 突然間同佢connect左wor!以下係我地既對話:
我 : blackblack你點呀?
Black : 咩點呀?
我: 身體點? 痛唔痛?
Black: 覺得好攰囉, 對手有d痺, 有時迷糊d囉, 都唔知係發緊夢定係醒左呢, 痛就唔痛
我: 知唔知媽媽真係好錫你好愛你ga?
Back: 梗係知啦, 佢唔錫我錫邊個呀? (個樣好得戚!!) 我以前有時又係百厭d既, 不過我知媽媽都係扮下野話我姐, 唔會真係罰我既!! 佢邊會捨得呀? 聰明既狗先會百厭ga, 蠢既狗係唔識百厭, 因為我係聰明既狗!!都好多謝佢照顧我!
我: 有咩想做?
Black: 真係好想大大聲吠幾下呀! "好好好!!" 同埋我想跑下呀!
仲有, 我好鐘意成家人番晒屋企開party, 食野呀! 越多人越好啦!! 好warm好開心, 呢個就係我最享受既時刻!
我: 有無野同媽媽講?
Black: 我好唔鐘意佢喊呀! 我係一個令人開心既狗狗, 唔係令人擔心,唔開心既狗, 我討厭佢為左我喊, 喊好婆媽ga!!! 做乜要喊wor? 每個狗狗都會有佢走既路, 喊乜wor!! 唔鐘意!
我: 好啦, 咁我話佢知啦! 你都要乖仔呀!
Black: 好!
好多謝想想同阿black傾計，哩D資料對我好有用。起碼我知道我要幫black black按摩隻手手先喇！！唔知阿black把聲係點既呢？
今日lunch time 我要返office前，我放回black black 落床。我跟他說，你乖乖地唔好旭喇，又係你話要做 good boy 架喎！ 他望著我，起左前半身，跟著訓番低。
12/19/2008 (第494日)
他 …… 全身打震、 口/手全是口水、脷伸出口外、 不停地扯氣、 兩眼無神、口內有血、全身放軟。
昨晚當我放工回家， 打開門後，環看四週都冇black影踪。
我聽到微弱的兩三 hun hun 聲， 我直衝sofa底。
他真的在那裹， 連忙將他拉出後， 他的情況就如上邊的描術。
我即刻將他放落床， 但他仍不停地伸脷扯氣。
跟着我試給他一點水， 他竟然快快地喝下， 直至他應為夠了就停下來。
喝了水後， 他似乎好了很多。
於是我抱他落床，幫他清潔手仔及咀。
不明白為何口內有血， 還是凝固了的血塊呢！
我家姐打電話回家， 我將事情告知她， 說說下我都忍不住， 眼淚開始流下了。
我有想過他會不會 …. 就這樣 ….. 地 …..
所以不時我會看看他肚仔還有起伏嗎？ 有， 我就安心了。
他在我幫他清潔時已睡著了。
不知他困在那裹多久， 可能有幾個小時， 一定給他嚇傻了。
Black睡了差不多兩小時醒來， 但我發現他不良於行。
今早， 帶他去看呂醫生， 醫生說 :
- 他雙眼已差不多看不見東西了，可能他現在只看到影。
- 他站在地上時側向一邊， 應該是腦退化，他不懂得平衡自己個身體。
- 當然因他實在太瘦了，都會有些影響。
- 至於不能增肥的原因， 有可能cancer cell 同佢一齊掙營養。 這原因， 自然療法醫生早已跟我說過了。 其實black 在月初時驗血， 已發現肝字數超標 & 貧血。 我想這也是不能肥的原因吧！
最後，醫生開了一種藥給black。
今日lunch hour 返家時， 我順便買了幾塊膠墊， 因我要用欄圍住black black， 免他再次陷於困境。
真的服了black black， 昨天那處的梳化底， 比他之前捐過的， 難度更高。
12/5/2008 (第480日)
我突然醒了。
在黑暗中我望向床下， 沒有black的踪影。
我即刻起床彈出廳， 已見到black正不停地鯉魚翻身。
我即刻一手鏟起black 啦！
噢 …… 哩鑊”潔’喇！
我成手已沾滿潔撻撻。
唉 ……. 即刻dick阿black去洗身、 再洗身、 吹乾。
經過45分鐘的沖、洗、吹，
我人都醒晒了，
不過阿black佢就再入夢鄉了。
真的服了自己，
很多次在這些關健時刻， 我總會醒來。
是我們心連心， 我感覺到他正左危難中，
還是 …… 是那微微的、 blackblack的骨頭敲落在地上的聲音而弄醒我嗎？
今朝，係FB同friend傾傾下，見天氣那麼好，加上我又想將Lomo相機內hold左成年的菲林完成埋佢， 於是我們决定去outing，並相約在港外線碼頭等。 我當然要打點好black black才可以出街啦！！
去到碼頭都差不多2點了， 這麼晏， 就最好去長洲啦， 事關一落船就有野睇喇喎！ 已NNNN年未梨過長洲， 對我都有些新鮮感。
今次，除了周圍影下相，竟然在食方面又有新發。 所以我食塵又要出動了。
上次在citysuper miss左哩樣小食， 在長洲竟然有得買 …..漩風薯片。 淨係個賣相都好吸引。 還有多款味道， 老板叫我們自己將D味粉灑落D薯片上。 唔執輸地，我們灑了4種味， 而wasabi就最出味。 盛惠$24連一杯珍珠奶茶。
仲有大過乒乓波既大粒魚蛋。 出奇地好味及彈牙。 盛惠$15有三大粒。
珊珊訓練基地。
似乎個個去晒冬眠， 得這女子在練習。
在海灘那邊行了一會， 當我們返回市中心，比我們發現有一檔位好多人排隊。 原來是排隊買魚蛋、豬肉丸及墨魚丸。 o疑o疑 ….. 有個阿婆婆在做魚肉讓豆卜，再拎去炸。 哩D香口野我最like， 唔該一串， 盛惠$10有5粒。 嘩 ….. 都幾貴下， 不過又好食喎！
D魚蛋肉跟之前的大粒魚蛋一樣咁好味、咁彈牙。 原先諗住費事拎野番HK， 最後友人都忍唔住， 話買一盒同我share。 點知 …… 買了後， 友人即刻又食多粒， 跟著說 : 「不如妳自己買多盒啦！」 衰鬼， 佢唔想同我share呀！ 盛惠HK$25(細盒 – 我數過都有27粒架)。 最後， 我計下數， 一共用了$85在魚蛋方面， 係咪痴左。
另外， 還買了草織拖鞋， 著起又幾C服喎！ $43一對，我諗住震興經濟丫嘛！！ 仲有買左 5罐Applaw狗糧比阿black，比市區平$2一罐架。
因為我要趕住返屋企， 所以我地5點幾就去揾地方食dinner。 睇下個天， 已經開始變黑了。
回程時， 坐了久違了的豪華位。 我在小朋友時， 爸爸一到放假就會帶我們去郊遊， 我最開心就是坐豪華位。 
11/12/2008 (第457日)
以前black black佢背脊D毛好黑， 依加甩晒色， 差不多變白。 我明白，年幾大左， 總會大不如前。
但是， 他實在太瘦了。 幾星期前看醫生時， 只有5.7 kg。 相比以前最Fit 時的8 kg， 真是差好遠。 上星期我整理black black的舊相時， 由他未發病到病了一年多後， 他的身體及眼神， 是180度的大轉變。
其實black black依加都很鐘意食野， 只是食極都唔肥。 可能是腎不好的關係， 蛋白質流失了， 因而日漸消瘦。 獸醫說可給他類固醇， 但最後都否決了， 因恐怕他的肝頂不住這藥。
不過， 自然療法醫生開了些中藥比black。 這藥的效用是提升番內臟的功能， black 已喝了3星期， 我發覺他近排一唔順氣， 例如等食飯等得太耐、 又或者唔順超阿Creamy， 佢都會吠幾聲， 勞勞嘈嘈咁。 不知是否因那中藥有些少人参的關係， 幫助他提氣。 其實有cancer最好不要食保身的食物， 但顧不了那麼多了， 一直這樣瘦下也不是辦法。
點都好啦，有小小效果已足願了。 當務之急是要搵有防滑作用的狗仔襪， 因天氣乾燥，阿black腳板仔又乾燥， 所以他不能站得穩， 跌到開一字馬。 已幫他在腳板搽 cream， 但作用不大呢！
