山頂一遊

9/16/2007 (第40日)

情意結的關係， 點都想帶black black 去一次山頂。 天氣實在悶熱， 所以我選擇了下午才去。 今天， 有哥哥車我們， 大約4時就上到山頂。 又幸運地， 今天沒有警察阻止我們直驅山頂， 似乎一切都很順利。

到山頂後， 原來那個涼亭被木板封了在維修。 我放了 black black 在地自由行， 他當然十分開心啦！ 我們行行行， 轉到下面的草地玩， 路經一小路。 我見black 行得太貼斜路邊， 想話叫住、 拉住佢啦！ 點知佢聽我一叫， 反而向前再走， 就這樣， 他碌落了20幾尺的小山坡。 嚇死我， 他會否像電影中， 撞到大石磡到頭， 或是碰到樹枝剌親既呢！ 我連忙走下山坡朝他走去， 我見他碌到去平地之後， 識得自己行， 腳仔又冇一拐一拐。 真係好彩， 仔仔佢冇事。 如果唔係， 我要殺我自己喇！！ 都是怪媽媽顧住幫你拍 viedo 啦！ 事後諗番， 哩段小插曲， 可以放在我腦海中， 可以歷久常新。

回家後， 同black 沖凉， 他倦到要攤在浴缸裏， 吹毛時已睡了。 今日有一段時間， black black 佢企在車窗邊看風景， 吹吹風。 風將他的鬚鬚吹起了， 我最愛看他這個凌亂樣， 很可愛的。 久違了的 black black 本色， 他以前很愛坐車， 前面的乘客位是他的私家位呢！