深水

禽日又去深水行左個轉。 我都幾鐘意去哩區玩，一來哩度可以搵到好野食，加上我上小學前， 屋企在哩頭開洗衣店，前舖後居，D同學仔又住係附近，所以我D童年生活係好好玩架！ 後梨搬離左哩區，因此我對深水好有感情。

喚 ..... 講番禽日先。 原先打算又去食好出名既維記潤牛麵。 不過你睇，佢地相連既三間舖都排晒長龍。 上個月我係哩度撞到譚校長，估唔到佢都識得梨哩度搵食喎！！ 我份人就唔係好鐘意排隊， 好彩係網上做左工夫，於是轉移地方，跳左過對面食米線。

好喇，對面既譚仔米線，我都係第一次食，但網上既評語都唔差架！ 好野自然多人去，我都要等左一陣陣先有位。

第一樣梨既係紅油青瓜。 你地見到佈滿晒紅卜卜既辣椒係咪好驚呢！ 出奇地，佢竟然唔係太辣，咬落D青瓜到又好脆口，好好味。 哩個前菜都靠得住。

第二樣係佈滿鬚根(黑芝麻)既土匪雞翼。 好香既沙薑粉味。正 ........

到主角出場喇！ 其實都是一碗普通既牛肉、豆卜米線。 我order左麻辣湯底 ... 小辣。 店員都提醒我，小辣都好辣下，不過我抱著大無畏既精神，又好想試哩個湯底，屎就屎啦！！ 食麵前喝了一口湯，喚 .... 個口已麻住了。 在一遍 shu shu 聲中(是由我發出的)，我終於完成了3/4碗米線。 碗米線係好味架，不過份量真係好多，食唔晒呀！ 好搞笑，在食粉途中，一滴汗由我雲 Jan流下，可想而之，小辣麻對我梨講真係好辣架！ 佢地仲有特辣供應，食完實噴火都得。

食完之後，個頭脹晒。 為了中和番D辣，要食D奶品野，於是去買了大腳板雪條， 食完之後就冇事 lu。 係呀， 我好大食架！ 下次都係叫番酸辣湯底好了。