D婆婆真係丫

今日去醫生拎藥，佢呀，忘記左我的存在，令我等了他差唔多成粒鐘先有藥拎。 在等他的期間，本想 nap一下， 點知有兩個婆婆好大聲係度傾談，D聲音分貝一定超晒標，左一個咪，右一個咪，仲犀利過環迴立體聲。 D婆婆一坐埋，通常都係講家事架啦！

丘婆婆說 : 妳D仔女真係乖， 妳話要打牌就即刻比5千蚊妳喇！

周婆婆說 : 妳D仔女夠乖啦，陪妳梨睇醫生。

丘婆婆說 : 我果D冇用架！ 邊及妳，又有工人洗，鐘意幾時打牌就幾時打。 我成79歲，每日都要做家務架，邊有時間去玩。

我最憎D父母係人面前踩自己D仔女，而抬高別人的仔女。 人比人，比死人，況且你有幾知道人地D家事呢！ 阿丘婆婆個仔正正坐係我隔離，佢聽到阿媽咁踩佢唔知有乜感想呢？

之後周婆婆要入房做治療，丘婆婆竟然走去拉住D姑娘背後講人壞話。 後梨阿丘婆婆入了房，到阿周婆婆拉住我講阿丘婆婆的不是。 我咪淨係答佢 ... o我o我o我 ...... 係呀 ..... 咁呀 ........ 等等

最衰都係醫生唔記得我，如不，我可以一早走人。 我好Q晏訓架嘛！！