Judy - 第十篇 ：快樂Judy

第十篇：快樂Judy

日子就在快樂與痛苦中渡過。 快樂就比mama， 痛苦就藏在我地既心裏面。為了令mama做一隻快樂既狗狗，全屋人都盡量抽時間陪mama， 阿kin日日臨返工前同mama落街行一行及lunch time趕返屋企睇mama, 因為mama好鐘意去街架！ 阿may就晚晚放工第一時間回家去，佢老細要佢陪客食飯都推左，話要返屋企湊狗喎，佢要安排mama既晚餐，因為要特別處埋 。最忙既Indy細哥哥又早左返屋企，仲預留架車係度隨時侯命車mama去街。仲有長駐大陸既Rico大哥哥都多左返黎陪mama。 總之日又去街夜又去街，做錯事又冇人責備佢，假日就全屋人陪mama去郊遊。Mama鐘意食芝士cake同雞蛋，以前就怕mama食左會肥就唔敢比佢多吃，當時就怕mama冇乜日子享受呢D美食就時時供應。

佢地唔會因為mama有病就唔出街，我地比平時重多左去郊遊添。係郊遊時，佢地冇用狗鍊拖mama，任由佢自己走。佢一路行D中外途人就一路話佢好QQ、Oh！ This dog is cute、happy dog。有次佢係城門水塘小巴站旁既樓梯好開心咁走上走落，阿may怕佢辛苦就大聲叫Judy返黎，當時在樓梯上面有一隊旅行團既人聽到mama個名，於是就個個都叫埋一份，一時之間JudyJudy之聲此起被落，Mama就走黎走去唔知應得邊個好。又有幾次mama比人攔途截狗要求拍照。當時mama真係一D都唔似病重。

本來mama巳經係一隻幸福狗狗，當時既生活簡直快活過神仙，有誰會相信mama既生命差不多去到盡頭丫。

當時mama唯一唔滿意既就係要食藥， 阿kin同阿may雖然知道D藥唔會醫好佢，但為了延長佢既生命，佢地堅持要餵藥。佢地唔可以將D藥放入mama個口然後強迫佢吞藥，因為咁會整損口裏面既腫瘤。一定要mama佢自己食入口。 Mama佢個鼻好醒架，一聞到D藥味就走開，又會係D食物度揀番D藥出黎唔食。咁點算呢? 佢地唯有將D藥丸分為十幾粒，然後用芝士旦糕逐粒包住，要包到好密實同細粒，細粒到mama唔使趙就可以吞。Mama唔可以趙野架，因為咁會趙損佢口中個瘤。

日子似乎好平靜，直至某日， Mama個口突然不斷流血，原來佢個瘤巳經大到被上顎既牙咬到。 惡夢開始了，但仍要堅恃面對。