Judy - 第四篇：五小福去向

第四篇：五小福去向

呢張相係mama生完我地之後冇耐影架！你睇佢都未收身呀！我地五小福越來越大喇！我地出世果時真係好似一隻隻既豬仔咁。 過左十天倒 我地就開眼啦可以睇到呢個五顏六色既世界 (阿kin同我講世界係colorful既，但我地D眼仔只係睇到黑白色架咋)。我地見到mama啦！ 佢好靚女， 重好QQ添！ 又過左一段時間， 我地開始出牙仔。

但mama開始唔係好想餵我地食奶。 阿kin話因為我地食奶時D牙仔咬到mama佢好痛， 所以佢就唔想餵囉！ 後來屋企人唯有買牛奶及用BB奶樽來人手餵我地。 其實kin佢地都係外行人， 剛剛先開始養左mama一個月， 突然間又多左五隻初生BB狗， 有好多野真係唔識， 唯有買書睇及邊做邊學啦！

我地開始長大， 識行識走喇。 我地每一天既工作就係食、 訓、 便及玩。 我地一齊玩架， 追來追去、 打打交、 咬咬你、 捱住一齊覺覺豬咁就過左一日架喇！ 真係無憂無慮， 快活過神仙。 快樂既時間永遠係短暫既，當我地一個半月大時， 就要面對別離的時刻。

五小福去向：
大哥 - 佢叫"迪迪"， 送左比阿may一個同事。 但過左一陣， 佢同事話屋企養唔倒， 於是將大哥送左比佢自己D朋友。大哥既性格係細膽。

二哥 - 佢叫"Robert 仔"。 送左比阿kin一個朋友既朋友， 因果家人有一隻狗叫lulu， 所以佢地叫二哥做"Robert 仔"。 二哥佢既性格係唔怕死。

三家姐 - 送左比阿kin一個朋友既朋友。 kin唔知道三家姐既名字。 佢既性格係文靜自我。

我"Black Jack" - 送左比kin一個朋友。 因為我身體大部份是黑色， 所以我被取名以有black字為主， 最後叫"Black Jack"， 即係21點。 kin話我既性恪係曳囉， 鐘意週圍咬咬(到依加都係咁)。

五妹 - 送左比kin一個同事， 後來因為佢時時吠， 所以佢被送返kin屋企。 後來送左比may一個同事， 取名"Mimi"。佢既性恪懵懵地.。

我地被送走後，阿 kin佢地都無咩機會見我地五小福喇。 除左我， 因為佢地跟我主人比較熟， 所以我地平時都會見下面。 而我又可以見倒我既mama啦！ 我真係比其他小福幸福呀！！ kin話如果當其時可以的話， 佢真係唔想送走我地五小福， 因為佢好憂慮D新主人對我地唔好， 怕會養養下又唔養我地， 始終我地係mix黎。