Mama怎樣處理骨頭？ 屋企人發現佢好鐘意收埋D骨頭。 首先佢咬住骨頭係屋企週圍行， 又跳上梳化呀， 床呀咁。 有時佢會行好耐架！ 好啦，佢鎖定個好地方之後， 佢就係個度挖個洞， 點係屋企掘洞？ 佢真係好似對住D泥咁用前腳係咁扒， 然後放低D骨頭，再用個鼻鼻同個頭撥番埋D泥。 但有時埋埋下，佢覺得唔滿意， 佢就會停低， 然後又再咬住骨頭週屋行， 再找過另一個好地方再埋過。 總之要佢覺得滿意為止。 所以屋企人時時叫佢"傻瓜Judy"。 哈！ 唔知其他fox會唔會有我mama一樣的行為呢。 我BJ就冇啦！ 我肚仔大過天， 我就話第一時間將骨骨收係個肚度就最實際啦！ 但mama佢就識得積谷防饑， 留番得閑果時掘番D骨骨出黎嘆。
雖然mama好鐘意係屋企走佬， 但到真係去街時佢反而唔會走佬。 通常佢地帶mama行山時都唔會用狗帶拖住， 所以mama可以隨處走， 但mama會識得等人架！ 當佢走到好遠時， 佢會望番轉頭， 如果我地落後左， 尤其是婆婆同公公行得慢， 佢會走番黎我地腳邊等埋一齊再行。 佢既表情好似話"我陪你一齊行丫！" 婆婆同佢講"妳自己行啦！ 唔好晒力跑番梨啦！" 但整個行程佢就係咁來來回回好多好多次。 佢真係黎照顧番你咁， 佢所走既路差不多是行程既一倍有多， 呢D都係佢自發既行為， 沒有人教過佢。
此外, Mama亦會扮可憐， 每次佢做錯事， 屋企人用藤條教訓佢幾下， 佢就用個背脊duck住人，半邊面向住打佢既人， 剛剛好比人睇到佢憂鬱既眼神，屋企人想再打都打唔落手啦！ 又有一次， 佢地向mama施以大懲罰， 就係困籠， mama係佢地面前唔敢拆籠， 佢就係籠裏面E 起彭牙，將佢個咀係兩條鐵支之間伸出來，眼仔就眼定定咁望住前面，扮到好無奈咁款。
基本上kin佢地都沒有點樣訓練過mama， 平常那些指示如come、 sit、手手、 jump、 no、 拎鏈鏈去街街等等佢都會明白。 而做請請呢個動作就係mama有一日無la la自己做左出黎， 都冇人教過佢既。 我BJ就蠢蠢啦！ 學左好多年都唔識做。 kin話佢覺得mama好似識聽人說話， 有幾次kin望住Indy細佬講 "細佬， 不如…你…帶…"，mama即時好興奮企係度請請， 重哼哼咁聲。 查實kin想叫佢細佬帶mama落街行下， 佢只不過講左幾個字， 又講到一節節咁， 但mama已經知道和她有關。
Mama係乜terrier? 佢地睇過狗書， 覺得mama唔似fox terrier， 又問過獸醫， 但沒有答案。 曾經有一個人話mama似fox terrier。 Mama全身長滿了捲曲的米白色毛， 捲曲程度都好以公仔麵咁。 背上的毛是淺啡色的， 太陽光下又似金色。她的披毛不算厚， 很柔軟。 身上沒有黑或中啡既顏色， 一對眼睛又圓又黑， 睇真D原來是墨綠色的， 重有長長的眼睫毛添！ 最攪笑是那對摺耳， 耳尖會跟隨她的腳步一齊上下飛動， 好以一對翼咁飛飛下。 kin好多時都幫mama吹直D毛， 但過一陣又會變回捲曲。
Mama除了毛色不似fox外， 其餘性格及身型都似fox。 唔通mama係一隻白化fox？？ 又或者係一隻唔合格既fox？？ 但無論mama係乜狗， 總之是一隻好狗。 屋企人佢地最後決定mama是獨一無二的Judy Terrier。
為何要有生離死別？？ 如果時間可以停留就好！！！
沒有留言:
張貼留言