第一篇: 被遺棄的日子
今天又是下雨天, 又冇得去街, 好悶呀. 咁我咪唯有陪阿kin執o下D舊o野囉. 我找到D舊相呀. 呢張就係我係一個月大時影o既相. 我覺得好QQ呀. 阿kin話, 我係佢屋企出世o架. 跟住阿kin就同我講番我o既生世喇 ……講到我既身世， 阿kin話要由我親生mama講起 --- 她的名字叫Judy。
她的主人如下.
主人一 : 佢o地大約係mama7個月大時遣棄mama. 因為女主人要生BB. 佢o地寫o左mama D o野係張紙到, 就將mama pass o左比第二個主人. 內容是 : 她的名字叫judy. 係一隻fox狗. 會發皮氣. 喜歡人陪. 要嘆冷氣.
主人二 : mama進註佢o地o既2千尺屋企. mama有自己o既房間, 落地玻璃房門. 有自己o既冷氣機. 生活無憂. 阿kin就係呢個期間懈侯mama. 後來主人要返canada屋企及考慮幫mama攪移民, 便將mama寄養o左係另一個人處. 主人只飼養o左mama2個月倒.
寄養人 : 大屋搬細屋. 真屈就mama啦. 呢個人家重有一隻雄性銀狐狗. 因寄養人常常問主人要錢, 話用來同mama美容用. 跟住又提議同mama絕育, 又問要錢. 於是兩戶人便鬧番. 因為主人決定唔幫mama移民, 於是問有冇人想要judy mama. 阿kin不直寄養人的所為, 而她由細到大都好喜歡dogdog, 所以她一口答應養mama啦.
主人三 : 係阿kin. 佢由屯門車mama返屋企. 雖然佢屋企無2千幾尺, 但都有8百尺的地方來養mama. 而且全屋人都好o錫mama o架.
阿kin同mama第一次見面係點?
第二篇： 第一次見面
阿kin話係mama大約一歲時由佢帶返屋企。 那天是1992年12月1日。 阿kin決定mama既生日就是每年既12月1日。 而佢同mama既感情係最深厚既。 阿 kin話永遠都會記得係呢11年裏每個相處時刻。
有一日既lunch time， kin個朋友(主人二)帶kin上佢屋企睇mama。 開門時已經聽到mama係度吠。 大門一打開，阿 kin見到一間玻璃門既房間， 裏面有一隻米白色短及曲毛既狗正向佢地勁搖尾尾。佢就係我既Judy mama喇。 Mama好friendly咁歡迎佢地。 當一打開玻璃門， mama立刻走出黎， 跟住就用個鼻來哄阿kin喇。阿 kin由細到大都唔怕狗既， 所以見mama咁friendly， 佢都好用力咁摸mama。 Mama跟住立即咬起個網球要佢地同佢玩。 咁阿kin 米將個綱球拋到最遠， 而mama立即飛跑去咬返個網球比阿kin。 阿kin話來來回回咁都玩左好耐。 Mama真係好爛玩架。
後來阿 kin參觀mama既屋企， 地方真係好大呀! 而mama間房裏面就有一部冷氣機供mama用， 地下有一個籠、 有佢既飯兜及一些咬爛晒既報紙。 全間房就係得咁多野咋。阿 kin仲同佢朋友講：" 嘩！！Judy間房仲大過我自己屋企訓覺間房！"
阿 kin發覺個狗籠D鐵枝斷左， 有D又曲左， 於是問佢朋友。 朋友話有時會困mama入籠， 佢唔鐘意就咬到D鐵枝爛晒而愉走出黎。 而地上面果D咬爛晒既報紙就係因為屋企無人， 加上困係玻璃房太耐， 佢發脾氣而做成.。怪唔之得mama既第一主人提過佢係一隻會發脾氣既狗。 之後阿kin要離開返工， 佢好唔捨得咁同mama講拜拜。阿 kin當時已經好鐘意mama架喇。 這是阿kin同mama第一次見面。佢地真係一見如故，可能係緣份, 後來阿kin重做左mama既主人添。
好啦， 到阿kin帶mama返屋企果晚 (其實阿kin沒有同佢屋企人提過養mama一事，佢想先斬後奏)。 大門一打開， Mama就好似知道這裏係佢另一個新屋企。 Mama佢大步大步走入屋裹， 一邊巡視屋裹每個角落， 一邊逐一走向每個人面前用鼻哄佢地黎打招呼。 Mama條尾就勁搖到好似水潑一樣， 佢完全唔覺得呢個地方陌生。 "咦？ 點解隻狗咁污糟既？" 當時每個屋企人都咁樣反應。 原來 mama背部整個pat pat位都嚴重甩毛， 已經甩到可以見到皮膚。 阿 kin想果個寄養人巳經取過幾次錢話幫mama做美容， 點解會有甩毛既問題？？重找倒兩隻虱添呀！ 翌日， 婆婆(kin 既媽媽)就同mama徹底洗白白。
Mama 黎左阿kin屋企後，佢一家人就有新變化， 因為屋企多左mama。 佢地一放工就拿拿臨返屋企同mama玩啦。 而mama都係一隻好爛玩既dogdog。
沒有留言:
張貼留言