黠解mama會有左我Black Jack既？ 自從kin佢地開始養mama， 佢地發覺mama係三個星期內個肚越來越大， 於是就帶mama去see doctor啦。 結果doctor話mama有左BB， 重會就快生添！ 當阿kin佢地重係度想唔知點好時， mama就係三日後生左五隻狗仔喇。 我就係其中一隻。 kin將這件事知會主人二， 佢就去問寄養人。 寄養人承認佢養個隻銀狐攪過mama。 佢地沒有好好咁睇住兩隻狗， 所以就攪出狗命喇。 阿kin想唔怪得果個寄養人曾經提議同mama做絕育手術，原來佢地想隱瞞事實， 佢地真係不負責任喇。 就係咁， 我既papa就係銀狐。
我地五小福就係1993年１月５日黎到呢個世上喇！ Mama的生產過程只有阿kin家姐阿may同佢既媽媽目睹。因為kin要返工。 不過在每隻BB出世後，佢都會收到屋企打電話黎報喜訊。 當其時佢既心情不知幾興奮， 希望立即飛返屋企， 因為佢從來都未見個初生既狗BB架。
阿May話當佢趕到返屋企時，Mama己經順利生下了四小福。 當時mama已經生了幾個小時， 精神仍然很好。 但因為要幫BB舐乾淨身上D血及咬走個胎盤， 所以攪到成個烏咀狗咁。過了半小時左右就生了五妹出來啦。 全部都順產。
上面那張相就係我地係1個月大時影架。 你估下邊個係我Black Jack？ 由左邊開始係二哥、 三姊、 大哥、 我及五妹。 我排第四架。 當kin見倒我地時， 查實佢有D失望架。 因為mama差不多是全米白色， 而我地D毛色有白、 有啡又有黑。 佢好擔心會很難幫我地找到主人。 因大部份人都鐘意名種犬， 但我地係mix， 所以佢有些憂慮。 不過當其時都唔想得咁多， 因為我地出世後阿kin及屋企人真係忙住照顧我地。
阿kin佢地睇過D書話剛剛生育既母犬會很惡， 唔會比人掂佢既BB， 但mama就完全沒有呢種態度， 重任屋企人摸我地。 如果屋外面有陌生人行過， mama就會好沉聲好惡咁wuwu。 但當屋企人返來時， mama就好高音咁wowo。 好似話比人聽喂我生左啦！ 快D黎睇下我D仔女啦！ Mama真係friendly喇！
阿kin佢地用紙皮箱做左個臨時竇給mama及我地訓覺用。 Mama大部份時間都在我地身邊照顧我地。 Mama佢一時忙住餵奶， 一時又要幫我地舐乾淨個身。 查實mama生我地果時都係大約一歲左右咋！ 佢都係細路女，但就要負起做mama既責任， 真係唔容易呀！
Mama真係好識湊仔架！ 雖然我地未開眼及唔識行， 但我地都會周圍爬爬下， 有時會爬出個竇。 因為個時係冬天，佢地怕我地凍親， 所以kin佢地要捉番我地入番個竇度。 真係睇少一陣都唔得。 Mama每日都要餵我地好幾次， 而每次餵完後， 屋企人都要幫佢清潔個肚仔。 佢地又要幫我地清理bubu。 每次我地bubu完， 屋企人都好緊張咁叫"有bubu呀！ 快D拎廁紙黎抹呀！" kin話果時真係好忙架， 不過見到我地咁得意， 佢地完全冇怨言。
kin話mama真係好聰明架！ 有一朝早，kin比婆婆叫醒。"喂，妳黎睇下Judy做左D乜！"阿kin走出廳一睇， 有兩三隻小福係廳度。"咦！！ 點解廁所D廁紙拉到出廳架？ 佢掀開D廁紙發覺下面係我地D bubu黎架.！ 原來幾隻小福夜晚走左出廳bubu左， 阿kin估可能mama平時見屋企人用廁紙抹bubu， 咁佢咪有樣學樣囉！ Mama妳真係聰明呀！我以妳為傲。 五小福去向如何?
沒有留言:
張貼留言