Judy - 第十一篇 ：流血

第十一篇：流血

某天晚上，Mama個口突然流血。 阿kin阿may不斷用棉花幫mama抹血， 但D血不停咁一滴一滴流出來， 而mama不停lam番自己既血， D血重流落對腳仔度， 佢就用個血咀去lam， 結果隻腳lam極都有血， 佢覺得D血好yummy yummy， 於是重不停咁lam。 阿kin阿may只好望住mama嘆氣。 佢地心裏很難過。 Mama到半夜才完全止血。 佢地幫mama抹乾淨個身及安置好mama後才去訓， 但一路訓一路擔心。

翌日， kin吃午飯時收到婆婆電話， 婆婆話mama又流血啦， 重流幾多添。 於是kin沒有回公司拿手袋就立刻返屋企。 返到去一打開門， Mama就吠阿kin， 好似話比阿kin聽妳返黎就好啦！ kin見到戴住燈罩既mama成個咀都係血， 佢重不停咁吠， kin佢當時見到mama咁都好心痛。 於是kin立即幫mama除燈罩及注滿一盆暖水， 佢抱mama上梳化幫佢清潔D血。 kin將mama半邊身放平， 將頭仔放在自己的大脾上開始幫mama抹咀仔。 kin 一路抹一路不停跟mama講 : "Judy好乖既， 妳唔好旭， 等我幫妳抹乾淨就會變番靚靚豬架啦！冇事架， 好快就冇事啦！"Mama真係好乖同好安心咁比阿kin幫佢抹， 後來D血就停止左流喇。 kin真係抹得好乾淨，因為kin應承左mama要令佢變番靚靚豬。

阿kin係mama口中挖出一塊雞蛋咁大既血塊。佢同阿may當日下午就車mama入屯門找Doctor Jerry。 Doctor話mama個瘤被上顎D牙咬損左，除非脫掉所有牙，否則好難避免日後再流血。但doctor唔贊成幫mama脫牙，因會增加mama既痛苦。由於流血過多，mama開始有貧血現像。Doctor開了一隻新藥比mama，希望可以減慢腫瘤既生長，但隻藥是毒藥，會損害腎臟功能，可以考慮唔比mama食。Doctor又話要有心理準備，適當時候就帶mama去訓覺。

阿kin決定唔比mama食毒藥。其實由mama有病開始，佢地就收集抗癌資料。有個養狗既中醫朋友話可以試食雲芝，又送了些止血粉及補血既八珍湯粉比mama食。冇人知道呢D藥有冇用，但有一線希望佢地都去試。

之後幾日，mama日日都會流血，身体快速由肥嘟嘟變摸到肋骨。日頭得公公婆婆照顧mama，為了防止mama佢lam身上既血，佢要帶燈罩。佢lam唔到個身就lam滴在燈罩上既血。 佢地晚上放工就第一時間幫佢除燈罩。 屋企人睇住mama日日流血真係好心痛。 阿kin佢地不時都會係公司打電話返屋企問mama有冇流血，冇流血就個個開心。大家既心情好壞就要睇mama有冇流血。

Mama個瘤一日一日擴散，甚至影響佢既聽覺。有時我地返屋企，mama聽唔倒門鐘聲就冇出來迎接，當我地係佢面前出現，mama會眼光光咁望住我地，好以在問："咦？ 你點解番左黎既？ 點解我聽唔倒門鐘響既？"

由於個瘤開始頂住mama條脷，佢開始進食困難。佢要好耐先可以lam清D食物。屋企人唯有逐匙羹餵mama。 Mama會好努力用個下巴將D食物撥入個口。

大家成日同菩薩講比多D時間mama，但要別離既日子終於來臨。