在所有屋企人之中，mama最癡阿kin。 可能mama知道全靠阿kin才可以結束被人遺棄既命運。 阿kin每天都差唔多係一個時間返屋企，Mama又會每晚係果個時間之前坐係佢坐開既位置， 面向門口等阿kin襟門鐘。 有時阿kin都未上到樓， Mama就巳經知道阿kin就到門口。 佢就會好緊張咁亨亨聲叫， 仲不停地踏腳仔添。 呢D係阿may講比kin聽架。Mama每晚都好熱烈咁迎接阿kin， 熱烈既程度比其他屋企人高， 而kin又會好大聲咁叫"Judy妹妹"黎回應。
Mama係跟阿kin訓覺既， 所以佢地好close架。 阿kin話有時佢夜訓， mama佢自己會返房訓先架。 但有時又會等埋先一齊訓。 Mama佢一日都要訓好多個鐘頭既。
我同mama年紀開始大啦， kin時時都同我地講 "喂， 你地要叻叻豬呀！" 佢即係要我地身體健康， 要長命D呀！ mama平日都冇乜病痛， 舊年十月頭既健康報告仲好掂。 過了十歲的mama仲好活躍， 完全唔覺佢係一個阿婆。 正當全屋人都以為mama可以陪多我地幾年既時候， 惡運己經開始喇--------。
2003年10月31日， 阿may帶mama去SPCA洗牙， 脫左2隻細牙， 一隻大牙。11月5日覆診，醫生都冇發現mama有唔妥。 11月9日， kin幫mama清潔牙仔時發現佢流牙血及發現牙肉腫左， 於是第二日去SPCA睇醫生， 醫生話發炎， 開左D抗生素藥比mama食， 但mama食完一個療程都沒有好轉， 牙肉比之前重腫些。 11月20日再去SPCA睇醫生， 醫生話牙肉果個係個瘤， 即係癌， 係之前脫牙個傷口變為cancer。 阿kin聽到後唔相信問醫生 :"唔係呀？ 佢脫牙咋！" 醫生話有九成係cancer， 不過都要抽組織寄去英國驗， 要留低mama幫佢麻醉抽牙肉組織。
阿 kin放工後去接mama走。 醫生再同kin講個瘤己經開始擴大， 跟住會擴散到肺部， 到時就命仔不保了, 大概只有兩個月命。 醫生話可以做手術來切除個瘤， 即是要切除整個下顎。 但之後mama既生活就會改變， 佢唔可以自己食野， 要人餵。 條會跌出黎。 手術後mama會感到痛及要一段日子才康復， 但到時可能又會番發cancer，一般只可延長六個月壽命。 如果要做手術的話就要快， 但都要等10日後個化驗報告出左先。係kin同醫生講緊果時，mama係咁拉住要阿kin要快D走。 係回程既的士上， kin望住mama想：" 我地真係咁快要講再見？ 妳睇黎好健康好開心呀！"
過多兩日， 阿may帶mama去睇徐醫生， 徐醫生都沒有講係唔係cancer， 佢話等報告出先啦。 佢地想可能徐醫生己經心裏有數， 想留個希望比佢地所以先咁講。阿kin知道狗醫生"毛毛" 都有呢種病並且巳經切除了整個下顎來保命。 於是阿may就上網找毛毛D資料。 兩日後終於聯絡到毛毛主人。
對於做手術既決定， 佢地都心大心細， 但大前題係唔想mama痛苦。 終於，報告係九日後出左， 沒有奇蹟出現， 証實係cancer。 在電話裏，SPCA既職員再解釋做手術既程序及手術後之情形。 最後， 阿kin佢地決定要幫mama做手術， 手術安排在5天後做。
沒有留言:
張貼留言