Judy - 第六篇：走佬事件

第六篇：走佬事件

Mama除左識得由廁所拉廁紙出廳幫我地五小福抹bubu呢件事之外， mama佢重有其它經典事件。

1) 除左拆籠行動, 重拆廁所添呀! 初黎步到既 mama大小二便未知訂解決，困籠又唔掂, 唯有困廁所囉。 點知佢將掛係牆上既毛巾全部扯曬落地，成捲廁紙拉曬落地，重係佢地D毛巾上面大小二便一齊黎添呀! 真係冇佢乎！

2) 很多走佬事件。 佢時時趁屋企人開門就走狗架啦，係後樓梯走上走落。佢地又唔夠mama跑，唯有好大聲咁叫"Judy， 返黎呀！" 佢地咁叫真係失禮街坊呀。 但有一次既走佬事件最為難忘。有一日， kin收到婆婆打黎既電話，"喂，Judy唔見左！" "點解呀？ 走左有幾耐？" "可能我返屋企果時，佢走左出去， 我又睇唔到。都有個幾鐘頭，我都係剛剛發現咋"。 於是阿kin立刻開車返屋企，係屋企附近週圍兜，跨區搜尋，但都唔見mama，心急死阿kin。 阿may同婆婆出街找mama， 樓下管理員話"係呀， 見到一隻白色狗坐lift落黎，後來有人開大閘，見佢走左出街啦！" 佢地想 :"慘啦！ 今次實搵唔番Judy喇！" 過左半個小時， 阿may終於係平時去開果個公園見番mama。

阿may話佢見番mama果時，mama都沒有即時飛跑去佢庶，mama佢只係好迷茫咁兩頭望，尾巴小小搖，慢慢咁行埋去阿may度。剛巧阿kin又到左，於是大家一齊上車返屋企。係車上，阿kin鬧mama，但佢即刻錫阿kin塊面。kin話真係比mama吹漲呀！街尾D街坊同婆婆講見到一隻白色狗係佢地鋪頭坐左好耐，隻狗好得意架， 後來向公園果邊走左。 經過呢次事件後， 屋企人都小心左，但間中都重有D走佬事件發生係後樓梯處。

Mama有個很奇怪的習慣， 大家佔下， 唔知其地fox會唔會好似mama咁樣處理D骨頭呢？