Judy - 第五篇：性格巨星

第五篇：性格巨星

好啦！ 　五小福離開左屋企， 離開左mama。 屋企又回復平靜喇！ kin佢地又可以將全部精神放係mama身上。 kin話比我知mama 既性格係咁既：

• 痴人， 你走到去邊， 佢跟到你去邊。係屋企真係逐間房咁跟架！


• 唔鐘意自已一隻狗係屋企。 太耐冇人陪佢的話， 佢真係會發脾氣及做D野黎激你。 例如佢會柯尿尿係D櫃腳度， 佢專揀D雕轉既位置柯， 要抬高個櫃先可以清理倒果種。 又或者拆爛個鞋架， 真係拆爛唔係推倒果隻。 總之等你返黎要執餐死， 佢好似要警告你如果再將我一隻狗留低係屋企， 你將會有咁既收場。


• 好為食， mama佢有好多次愉食既記錄。 有一次有朋友係美國帶左盒夏威夷果仁朱古力送比kin家人。 後來佢地出街吃飯， 返黎後發覺mama拆爛左果盒未開既朱古力， 佢重食左十幾粒添！ 嘩！ 成屋人好擔心mama會中毒， 因為我地D狗仔係唔可以食朱古力架。 好彩後來冇事。 又有一次， 佢地發現梳化上有幾片粽葉， 原來mama佢夜晚跳上檯愉食， 仲食晒成隻粽添！ 又擔心死成家人呀！ 唉！ 重有好多愉食事件呀！


• 好friendly， 佢時時都向人搖尾架！ 阿kin佢地一向佢講"搖尾尾" mama就會搖尾架啦！ 真係Q喇！


• 會記仇， 有一次屋企人帶佢散步， 突然有三隻洛威拿行埋黎， 其中一隻仲咬住mama個肚。 果三隻狗既主人沒有用狗帶拖住佢D狗，佢只係吹雞來控制佢D狗， 所以避唔倒，mama個肚就被咬到流血， 好彩傷勢不大。 其後, 每當mama聽到吹雞聲， 佢就會伸長個頭係道吠， 好似控訴咁。 好多年之後都係咁， 因為佢重記得被洛威拿咬肚果件事。


• 愛自由， mama最憎困籠， 試過一次佢被困籠， 家人去完街返黎， 發覺佢居然離開左個籠， 並發現個籠既一面反低左。 到今日， 呢次既愉走過程都係一個謎.。 自始以後， kin都沒有用狗籠困mama。 所以mama每日24小時都係自由行既。

Mama真係幾有性格架！ 例如你叫佢比手手， 或者叫佢過黎，如果佢唔想做， 你點叫佢都唔會'SO'你架。 佢要睇心情， 就算係阿kin叫都無面比。 kin話有時真係比mama氣死。 我就蠢啦， 佢地叫我做mud我就做mud。