毛毛既主人十分好人，佢係電話中同阿may分享了她照顧毛毛的經驗， 並介紹幫毛毛做手術的醫生Doctor Jerry比阿may。 翌日， Indy哥哥就車阿may同阿kin及mama入元朗找Doctor Jerry， 希望可以幫mama找到一線生機。 當時mama既瘤巳經大過隻庵春蛋， 佢地睇到都好難過。 但mama就十分興奮同緊張， 佢以為去遊車河咋。
經過Doctor Jerry細心檢查及睇過mama既報告後， 佢話情況並不樂觀。 因為mama個腫廇生在口腔後面的大牙位置， 而毛毛既就生係前面既地方。 而且mama個瘤惡過毛毛個種， 所以不能同毛毛一樣只需切除下巴就OK， 仲要切除mama既左邊臉。 手術之後mama要用六個月時間才可復原， 到時可能癌症又再番發。 手術後既mama不能自己飲食， 全無quality of life可言。 Doctor Jerry覺得幫mama做手術不是最好的方法。
講到Quality of life， 阿may阿kin都覺得mama只係一隻狗狗，佢唔會知道自己有病。 而Doctor Jerry話狗對痛既感覺沒有人咁敏感， 所以mama應該唔會覺得個瘤痛。 Mama佢好貪靚架， 有一次婆婆幫mama剪毛， 剪得好醜樣， 連眼睫毛都剪埋， mama悶悶不樂了幾日。 若果冇左下巴同半邊臉， 佢除左知道自己有事， 仲一定會覺得生不如死呀！
最後， 阿kin阿may決定取消mama既手術， 並決定讓mama做隻開心狗狗而不是一隻病狗狗來渡過剩下既日子。 當晚， 佢地就帶左我同mama去元朗大棠個庶玩。 我同mama就係個度係咁狂跑狂跑， mama跑得幾快呀！ 我差D追唔上添！ 我地重拍左video。 Mama佢後生女個陣跑得仲勁呀！ 阿may知道mama鍾意跑， 佢就成日帶mama去大廈平台處跑。 佢跑到會飛咁， 四隻腳在半空中伸直成一直線， 彈彈彈咁就唔知跑左去邊。 到阿may大聲叫佢返黎， May就會聽到mama係好遠處傳過來既腳步聲， 拾拾拾咁又跑到阿may面前然後掟個靚灣咁又彈彈彈咁跑開去。 May姨成日話好後悔當時冇幫mama拍照留念喎。
12月1日mama生日，佢地買左一個狗蛋糕同mama慶祝。 你地睇mama佢幾開心， 佢叫緊我地快D同佢吹熄D蠟祝，等佢可以第一時間食蛋糕呀!
日子就在快樂與痛苦中渡過。
沒有留言:
張貼留言